


![]() |
PROGRAMACIÓN HORARIA DO CASTELO ROCK 2010, 7 DE AGOSTO |
MUROS I 29/07/2010 I ACRD PRAIA DO CASTELO. PROGRAMA, SÁBADO 7 DE AGOSTO Mañá (13h00 – 14h00) Tarde (19h30 – 22h00) Concertos (20h30 – 05h00) |
![]() |
ESTE SERÁ O CARTEL DA VIII EDICIÓN DO FESTIVAL CASTELO ROCK 2010, SENDO O 7 DE AGOSTO NA PRAIA DO CASTELO DE XEITO GRATUÍTO |
MUROS I 20/07/2010 I ACRD PRAIA DO CASTELO. Por fin temos o deseño do cartel da oitava edición do Castelo Rock 2010. Xunta ás actuacións nocturnas xa confirmadas de Ilegales, Lilith, Solos, Raiba e Dakidarría, tamén aparecen as actividades que terán lugar polo día, coa actuación de Cé Orquestra Pantasma (Home Orquestra) e o pasarrúas e obradoiro de percusión do grupo Trópico de Grelos. |
![]() |
TEREMOS ACTIVIDADES DE RÚA CO INCRIBLE ESPECTÁCULO DE "CÉ ORQUESTRA PANTASMA (HOME ORQUESTRA)" |
MUROS I 20/07/2010 I ACRD PRAIA DO CASTELO. Xa chegou por fin, o marabilloso home orquestra, preparado para vibrar en calqueira situación que se faga valer. Especialmente indicado para tódolos públicos e sen contraindicacións, salvo uns pequenos graniños en caso de inxestión masiva. Poden consumilo os nenos e as nenas, os vellos e as vellas, os políticos e as politicas, os punkis e as punkas, os parados e as paradas, os jipis e os jipijos, as mamas e os papás. Eche coma un chicle, maleable, adáptase a calqueira situación, tanto che canta unha doce canción ao ouvido en horas baixas, como che coloca un enchufe en horas mortas, e todo isto a un baixo prezo, economicamente rentable, ao alcance de tódolos bolsillos, por iso, non debería existir casa decente sen o seu home orquestra, ata as mais indecentes deberían contar cos seus servicios pola súa discreción e saber estar. |
![]() |
LILITH, DAKIDARRÍA, RAIBA E SOLOS COMPLETAN O CARTEL DO CASTELO ROCK 2010 |
MUROS I 12/07/2010 I ACRD PRAIA DO CASTELO. Os grupos Lilith, Dakidarría, Raiba e Solos completarán o cartel do Castelo Rock 2010. Deste xeito, serán 5 grupos o que participen o sábado 7 de agosto na oitava edición do Festival Castelo Rock. En próximos días, daremos a coñecer os horarios de actuación, ademais de presentarvos varias actividades complementarias que terán lugar nese día polas rúas de Muros. |
![]() |
ILEGALES SERÁ O CABEZA DE CARTEL DO CR2010, ENMARCANDO A SÚA ACTUACIÓN DENTRO DA XIRA DE DESPEDIDA "ADIÓS AMIGUITOS" |
MUROS I 08/07/2010 I ACRD PRAIA DO CASTELO. O grupo asturiano ILEGALES, actuará no CR2010 dentro da súa xira de despedida "Adios Amiguitos", ademais a súa fecha no Castelo Rock contémplase ata data como a única actuación do grupo en Galicia. Para moitos, Ilegales, supuxo unha das mellores bandas de rock que se deron en España. A súas ácidas letras crearon cancións imprescindibles no panorama musical como "Soy un macarra", "Yo soy quien espía los juegos de los niños", "Hola mamoncete" ou "Tengo un problema sexual". Agora. como explica o seu líder, Jorge Ilegal, é momento do cambio e de dicir "Adios amiguitos coruñeses". |
![]() |
O CASTELO ROCK 2010, TERÁ LUGAR O SÁBADO 7 DE AGOSTO, NUNHA ÚNICA XORNADA DEBIDO A QUE ESTE ANO O XACOBEO NON APOIARÁ O PROXECTO |
MUROS I 07/07/2010 I ACRD PRAIA DO CASTELO. O Festival Castelo Rock 2010 terá lugar o vindeiro 7 de agosto na Praia do Castelo de Muros. Este ano debido a falta de apoio do principal patrocinador do festival nos últimos anos, a SA de Xestión do Plan Xacobeo, só se contará cunha xornada de concertos. En próximas datas, presentremos as bandas que acturán nesta oitava edición ademais de horarios e información das mesmas. |
